دیلان سیروان - بازیان میدیا
وەزارەتی دارایی و ئابووریی حکومەتی هەرێمی کوردستان ڕایگەیاند، سبەی مووچەی مانگی نیسانی مامۆستایانی گرێبەست لە وەزارەتەکانی پەروەردە و خوێندنی باڵا و توێژینەوەی زانستی دابەش دەکرێت.
بەپێی ڕاگەیەندراوێکی فەرمیی وەزارەتی دارایی و ئابووری، ڕۆژی یەکشەممە، ١٧ی ئایاری ٢٠٢٦، پرۆسەی دابەشکردنی مووچەی مانگی نیسان بۆ مامۆستایانی گرێبەست لە هەردوو وەزارەتی پەروەردە و خوێندنی باڵا بەڕێوەدەچێت.
لە ڕاگەیەندراوەکەدا ئاماژە بەوەش کراوە، لە هەمان ڕۆژدا مووچەی مانگی نیسانی سەرجەم ئەو فەرمانبەرانە دابەش دەکرێت کە لە دوای ١ی تەممووزی ٢٠٢٤ەوە بە شێوەی گرێبەست و هەمیشەیی لەسەر میلاکی دامەزراوەکانی حکومەتی هەرێمی کوردستان دامەزراون و شایستە داراییەکانیان لەسەر داهاتی ناوخۆی هەرێم خەرج دەکرێت.
